SHS Logo

facebook

SHS Naam

SHS sport

August 2016
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

advertise here

  App form tietl
App form 1 App form 2

Welkom by SHS

Hoërskool Standerton stel nuwe hoof aan

Mnr. Pierre Marais is aangestel as die nuwe skoolhoof van Hoërskool Standerton. 

Hy is tans in sy 10de jaar as skoolhoof by Hoërskool Frans du Toit in Phalaborwa en sal amptelik die leisels by Mnr. H Pretorius oorneem op 1 Julie 2016. 

Ons sien daarna uit om vir Mnr Marais en sy gesin by ons met ope arms te verwelkom!

 

10175008 10202941792296265 6260269337657332988 n

 

 

SHS spog met twee spelers in die onderskeie nasionale groepe!

Jaco Kriel is na nog 'n kookwater seisoen ingesluit in die Springbok-groep terwyl Howard Mnisi in die SA A groep ingesluit is.

Ons harte bars vanaand van trots want weereens word bewys dat SHS 'n skool is waar jy jou drome kan uitleef as jy bereid is om hard te werk.

SHS TROTS.

        13254308 508778585979064 6039036836088359691 n        13310627 508778562645733 4882306733669670406 n

 

SHS lewer nog 'n provinsiale beampte op

Mnr. Mauritz van Heerden is aangestel as een van die keurders vir die o/16 Pumas spanne.

Baie geluk Meneer Mauritz

mvheerden

SHS se spelers vat die wereld aan

Sewe van SHS se eerste rugbyspan se spelers is gekies vir die NTK toergroep om na Ierland te toer na 'n klipharde toer.

Baie geluk seuns met die besondere prestasie!

12802755 485289388327984 8166407632327528915 n

 Agter : Hloni Mphuti , Boeta Geyser , Tommy Gleeson , Zirk Buys & Johan Strydom.
Voor : Jacobus Pretorius & Wilco Pienaar.

 

SHS atlete maak amok op SA skole kampioenskappe!

Karissa van Wyk en Siyabonga Tshabalala het albei 3de plekke behaal in verspring en 800m onderskeidelik.

Karissa het in die verspring 'n brons verwerf met 'n afstand van 5.32 meter.

Ons is baie trots op die atlete en die prestasies!

                       1511373 483602125163377 5602209854908420844 n1915658 483602145163375 2453525313051913657 n

 

SHS WYS DIE ANDER HOE DIT GEDOEN WORD

Hoërskool Standerton wil net graag die oomblik neem om dankie te sê vir elke afrigter, atleet, sang-atleet en ondersteuner wat bygedra het tot 'n baie suksesvolle dag.

SHS eindig die Interhoër in die derde plek uit 8 skole met net 'n kortkop agter Hoërskool Secunda.

Ons dirigente word gekroon as die Beste Dirigent span en SHS wen ook die geesbeker vir 2016!

Dit was 'n ongelooflike voorreg om die blydskap in elkeen se gesig te sien hetsy dit 'n wen was of nie.

Ons harte bars vanaand van trots vir ons mooie Standerton.

12615500 1103496023028989 7186744292116520358 o

 

 

SHS SE TOP 3 MATRIKULANTE VAN 2015

Miranda Potgieter (90,1%) , Isabel Smith (88,0%) en Monica Boender (84,6%) is die top 3 matrikulante van Hoërskool Standerton na die afgelope Gr.12 eind-eksamen.

 Miranda en Isabel spog albei met 7 onderskeidings terwyl Monica Boender en Shani le Roux ses onderskeidings verwerf het. Ons is baie trots op die besondere prestasie wat die SHS leerlinge behaal het.

     MIRANDA POTGIETER   ISABEL SMITH   MONICA BOENDER

 

Leeus is SA se bestes!

Jaco Kriel, die super-flank van SHS, is die eerste Curriebeker kaptein van Hoërskool Standerton wat die gesogte beker kan omhoog hou!

Ons harte bars van trots vir jou en Howard Mnisi. Julle is puik ambassadeurs van SHS.

Algaande groei ons

12185400 896584957123851 3030004146470350993 o

SHS Personeel ryg die toekennings in!

Die volgende lede van ons personeel het die volgende toekennings ontvang vanaf die Lekwa Wes distrik in die Mpumalanga Departement vir Onderwys :

Mnr Hennie Pretorius - Uitstaande bydrae in die Onderwys
Mnr Koos Fick - Uitstaande bydrae in Rugby
Mnr Louwrens Koekemoer - Uitstaande bydrae in Hokkie
Mnr Mauritz van Heerden - Uitstaande bydrae in Atletiek
Mev Marika Janse van Rensburg - Uitstaande bydrae in Atletiek
Mev Annanet Boshoff - Uitstaande bydrae in Redevoering
Mev Mariëtte Koen - Uitstaande bydrae in Akademie
Mev Lettie Fischer - Uitstaande bydrae in Netbal

Ons is baie trots op die personeellede vir hulle besondere bydrae om ons skool die topskool te maak wat ons is.

Die toonbeeld van harde werk

Miranda Potgieter, matrikulant van die 2015 klas, het 'n besondere prestasie behaal in die Ingenieursgrafika en Ontwerp vakgebied met haar PAT (Practical Application Task) taak.

Miranda het die siviele taak gekies wat gehandel het oor die teken en ontwerp van 'n nuwe argitekskantoor. Die taak het bestaan uit twee fases.

Fase 1 was die navorsing gedeelte wat behels het om kwotasies te doen en die gebou meer "groen" te maak.

Fase 2 het gehandel oor werkende sketse wat onder meer bestaan uit drie vryhand beplanningsketse, 'n gedetaileerde vloerplan, terreinplan, 'n elevasie en snit & 'n 2 punt perspektief skets.

Miranda het al die kerfwerk op die hout gedoen, die vloerplan herontwerp en LED ligte ingesit met volle bedrading. Sy ontvang haar gemodereerde taak terug met 'n punt van 100%

Sy het alreeds 'n vol beurs ontvang by Sasol om chemiese ingenieurswese te studeer by die NWU Pukke.

Miranda is tans ook SHS se top akademiese leerling met 92% gemiddeld. Sy is die lopende voorbeeld van die wat bereid is om hard te werk beloon sal word.

SHS is ongelooflik trots op jou Miranda! Jy verdien elke stukkie krediet wat op jou pad kom.

(Foto: Miranda Potgieter en haar IGO-onderwyser, Mnr Louwrens Koekemoer.) 

 

miranda

 

RIEKIE WOLMARANS : SHS SE SKAAK-SENSASIE!

Riekie Wolmarans gee beslis lewe aan die Afrikaanse gesegde wat lui klein botteltjie, groot gif.

Riekie is onlangs gekies vir die Suid-Afrikaanse O/14 Skaakspan wat vanaf 24 Oktober tot 6 November aan die Wêreld Jeug Skaakkampioenskappe in Griekeland gaan deelneem!

Dit is 'n besondere prestasie vanaf 'n kind wat altyd haar alles gee vir SHS hetsy dit akademies of kultuur is. Sy het gemaklik ingeskakel by die SHS familie nadat sy verlede jaar in gr.7 was.

Baie geluk Riekie - SHS is ongelooflik trots op jou!

Riekie

STEPHAN IS NOMMER 10 IN SUID-AFRIKA!

Die nommer 10 pronk nie net op sy rugbytrui nie, maar nou ook op die ATKV Redenaars se ranglys langs sy naam. Na die afgelope finaal wat in Goudini plaasgevind het, is dit amptelik bekend gemaak dat Stephan die 10de plek uit 2110 deelnemers beklee.

Welgedaan, Stephan. So bêk kort jam!

 

2015 08 27 10.16.211

 

 

SHS Hoofleiers vir 2015/2016

Graag wil ons geluk sê aan elke leerling wat verkies is tot die SHS Raad - hou gerus die blad dop vir fotos van ons nuwe leerlingraad.

Hier is ons Hoofleiers vir die termyn 2015 / 2016:

Hoofseun - Christiaan Janse van Rensburg
Hoofdogter - Carlie Stroebel

Onderhoofseuns - Wilco Pienaar & Johan Strydom
Onderhoofdogters - Megan Seeley & Estie van Jaarsveld

 

Baie geluk met die groot voorreg om gekies te word as hoofleiers van ons trotse skool. Mag julle die taak wat voorlê met passie en ywer aanpak!

 

11850516 417043111819279 2248460407293371255 o

Voor (vlnr) : Johan Strydom, Christiaan Janse van Rensburg (Hoofseun) en Wilco Pienaar

Agter (vlnr) : Megan Seeley, Estie van Jaarsveld en Carlie Stroebel (Hoofmeisie)

SHS Eerste Hokkiespan is Mpumalanga Kampioene!

Die Eerste Hokkiespan van 2015 is twee jaar agtereenvolgens die kampioene van Mpumalanga nadat hulle vir HTS Witbank verslaan het in die finaal met 'n telling van 2-1.

Baie geluk aan elke dogter asook die afrigters, Mnr Pretorius en Ricus van der Hoven.

Julle is Bakgat!

1e Hokkiespan MPU 3

 

SHS se eie SA SKOLE 7'S STER!

Mfundo Ndlovu, 1ste span buite-senter, is gekies vir die SA Skole Sewes span wat in Samoa aan die Jeug Statebondspele gaan deelneem.

Die afrigters, onderwysers en leerlinge wat met Mfundo te doen het, sal saamstem dat hy oorloop van nederigheid en verseker 'n baie talentvolle sportman is.

Mfundo het in die week 'n twee jaar kontrak met die Cell C Sharks gesluit en sal hom na die afloop van sy matriekeksamen by sy nuwe spanmaats aansluit.

Ons is baie trots op jou Mfundo! Jy is 'n briljante voorbeeld vir enige jong sportman en vrou wat harde werk, deursettingsvermoë en passie aanbetref.

'n Lopende bewys van as jy goed genoeg is, sal jy wel raak gesien word! 

 

Ons Hoof aan die woord. 

 

HenniePretoriusMnr. Hennie Pretorius
Hoërskool Standerton is vir amper 'n eeu 'n duidelike ligbaken in die hartjie van die Hoëveld. “Eundo Crescimus” (algaande groei ons), SHS se leuse wat trots op elke leerlinge se skoolwapen pryk, beteken vir ons baie meer as net die drie woordjies. GROEI is 'n werkwoord wat in enige maatskappy, besigheid en selfs in 'n skool sukses spel.

By SHS met sy uitstaande onderwysers, betrokke ouers en beheerliggaam poog ons om elke dag te groei. Ons strewe na groei in denke en vernuwing op alle gebiede akademie, sport, kultuur asook in ons waardes en geloof. Ons gedissiplineerde omgewing wat ons skep by SHS veroorsaak dat ons selfgedissiplineerde leerlinge opvoed.

Ons glo ons maak 'n impak op elke kind se lewe wat deur ons skoolhekke loop, op ons skoolbanke sit en op ons pragtige sportvelde beweeg. Ons sien dít raak in so baie leerlinge van SHS wat na skool hulle plek volstaan in die samelewing. Is dit nie dié grootste toets vir GROEI en sukses in 'n skool nie? Die sportleuse “SHS BAKGAT” is 'n uitvloeisel hiervan.

GROEI gaan gepaard met uitdagings. SHS glo uitdagings versterk jou, daarom sorg ons dat ons nie stagneer en verval in selftevredenheid nie. Vandag se eise en uitdagings laat SHS’ers net verder GROEI.

Ons besef dat alles wat ons bereik en beplan en met sukses uitvoer nie uit ons eie krag is nie, maar dat die Here se Genade ons skool elke dag toevou; daarom GROEI SHS ook in Sy Genade.

Welkom by SHS se splinternuwe webblad!

DSC 1481 2Ons doel met die SHS webblad is om inligting en enige relevante foto’s, datums en belangrike gebeurtenisse aan u as ouer, leerling, alumni en toekomstige SHS ‘ers beskikbaar te stel.

Die webblad dien as u skakel tot alle nuusbriewe en argiewe indien u dit weer wil opsoek. Ouers kan vir navrae die webblad raadpleeg wat 24 uur beskikbaar is voordat die skoolkantoor gekontak word of self die betrokke persoon met wie u wil praat se kontakbesonderhede kry.

U kan ook ons Facebook-blad en School Communicator besoek wat u op hoogte sal hou met die interaktiewe sosiale netwerk van ons skool.

Tegnologie stel ons in staat om u te kan help met enige vrae deur dit beskikbaar te stel op die webblad.
Gebruik dit dus tot sy volle potensiaal.
Ons doel is om u ten alle tye ingelig te hou.
Geniet die webblad en kyk gerus rond.
SHS-groete